Խորհրդարանը երեկ այդպես էլ չի ընտրել Ազգային ժողովի նախագահի ընդդիմության առաջադրած տեղակալին, թեպետ երկու անգամ քվեարկել է, իսկ «Քաղաքացիական պայմանագիր» խմբակցությունը հայտարարել է, որ ապահովել է նվազագույն անհրաժեշտ ձայները:
Ընդդիմությունը երրորդ անգամ է առաջադրել Իշխան Սաղաթելյանի թեկնածությունը: ԱԺ-ն այսօր շարունակում է աշխատանքը, և խորհրդարանը երրորդ անգամ է ընտրելու ընդդիմության թեկնածուին:
Հիշեցնենք, որ 8-րդ գումարման Ազգային ժողովի առաջին նիստի օրը՝ օգոստոսի 2-ին, խորհրդարանի նախագահ է ընտրվել Ալեն Սիմոնյանը, իսկ մյուս երկու օրերին խորհրդարանի նախագահի տեղակալների պաշտոններում ընտրվել են Ռուբեն Ռուբինյանը և Հակոբ Արշակյանը՝ երեքն էլ իշխող «Քաղաքացիական պայմանագիր» խմբակցությունից:
