«Լուրերի» ռեպորտաժի վերաբերյալ Հանրային հեռարձակողի խորհրդի հայտարարությունը
Վերջերս մի շարք լրատվամիջոցներ անհեթեթ լուրեր են տարածում այն մասին, թե Հանրային հեռուստաընկերությունը օրեր առաջ «ադրբեջանամետ քարոզ է» հեռարձակել։
Խոսքը «Լուրերի» ռեպորտաժի մասին է, որը պատմում էր նախկինում գոյություն ունեցող հայկական և ադրբեջանական անկլավների, դրանց այսօրվա կարգավիճակի և հետագա հնարավոր խնդիրների մասին։ Ինչպես միշտ, Հանրայինը կարևորում է հանրության տեղեկացված լինելու իրավունքը` համարելով, որ տեղեկացված մարդը նաև պաշտպանված է։
Սակայն կուսակցականացված մամուլը ընտրությունների շեմին չխորշեց այս զգայուն թեման օգտագործել ներքաղաքական քարոզչական պայքարում և շրջանառեց կեղծ թեզը։ Հանրայինը, բնականաբար, չարձագանքեց մեղադրանքներին, որպեսզի տուրք չտա արհեստական ստեղծված օրակարգին։
Սակայն զարմանալիորեն «Լուրերի» ռեպորտաժին անդրադարձավ նաև ՀՀ Մարդու իրավունքների պաշտպանն իր մայիսի 31-ի հայտարարությամբ ։ Արման Թաթոյանը նախ ռեպորտաժի մեջ կամայականորեն «հայտնաբերեց» մարդու իրավունքների հորինված խախտումներ, ապա «մարդու իրավունքների տեսանկյունից անընդունելի» համարեց «ադրբեջանական անկլավ» քաղաքական-մեխանիկական ձևակերպումը» և պահանջեց Հանրային հեռուստաընկերությունից «ՀՀ սահմանային բնակիչների իրավունքներին վերաբերող նյութեր պատրաստելիս ղեկավարվել բացառապես մասնագիտական մոտեցումներով»:
Հանրային հեռարձակողի խորհուրդը, որպես Հանրային հեռուստաընկերության կառավարման մարմին, որը պատասխանատու է Հանրային հեռուստաընկերության ծրագրային քաղաքականության համար, ուշադրությամբ քննելով Մարդու իրավունքների պաշտպանի հայտարարությունը՝ հայտնում է հետևյալը․
Մարդու իրավունքների պաշտպան Արման Թաթոյանը, գերազանցելով իր լիազորությունները, ինչպես նաև լրագրողական աշխատանքը գնահատելու իր իրավասությունը, բացահայտ միջամտում է լրատվամիջոցի գործունեությանը, ինչն անթույլատրելի է ժողովրդավարության և հենց մարդու իրավունքների տեսանկյունից։
Միաժամանակ հորդորում ենք Հանրային հեռուստաընկերությանը դիմել երրորդ կողմին՝ ԶԼՄ-ների էթիկայի Դիտորդ մարմնին, իր պատրաստած ռեպորտաժի մասին անկողմնակալ մասնագիտական կարծիք ստանալու և հանրությանը ներկայացնելու համար։
Recent Posts
Պապիկյանն ընդունել է Վրաստանի դեսպանին
Հոկտեմբերի 23-ին ՀՀ պաշտպանության նախարար Սուրեն Պապիկյանն ընդունել է Հայաստանի Հանրապետությունում Վրաստանի արտակարգ և լիազոր…
«Վստահ եմ՝ մոտ ապագայում կունենանք նախարարի թեկնածու». Սիմոնյան
«Փորձում ենք հնարավորինս ծանրակշիռ մարդկանց առաջարկել, բայց ես վստահ եմ, որ մոտ ապագայում մենք կունենանք…
Բիլ Գեյթսը գաղտնի գումար է նվիրաբերել Հարիսի ընտրարշավին
Microsoft Corporation-ի հիմնադիր Բիլ Գեյթսը գաղտնի գումար է նվիրաբերել Հարիսի ընտրարշավին։ The New York Times-ը,…
«Հարևանների հետ մեր քաղաքացիներն առևտուր են անելու». Սիմոնյան
ԱԺ նախագահ Ալեն Սիմոնյանն անդրադարձել է Հայաստանի տարածքում ադրբեջանական ԶՈւ ներկայությանը՝ նշելով. «Նրանք 200 կմ²…
Այս գիշեր ցրտահարություն է սպասվում
Հոկտեմբերի 23-ի լույս 24-ի գիշերը և 27-28-ի գիշերը Արարատյան դաշտում օդում սպասվում է -1․․․-3 աստիճան,…
Իսպանական արդարադատությունը քննում է ադրբեջանցի նախկին պաշտոնյայի գործը
Բաքվի լրատվամիջոցները հայտնում են, որ մի հետաքննող լրագրողների մի խումբ զբաղվել է Ադրբեջանի նախկին Ազգային…