Խորհրդարանի թանգարանը ստեղծվել է Երրորդ հանրապետության ԱԺ-ին զուգահեռ: Սակայն տարիներ շարունակ այն չուներ հստակ դասակարգում կամ հուշանվերների անհատական պատմություն: 2018-ի սեպտեմբերի 20-ին՝ անկախության տոնին ընդառաջ, Ազգային ժողովում բացվեց արարողակարգի թանգարան, որտեղ ցուցադրվում են այն հուշանվերները, որոնք խորհրդարանը ստացել է 1990-ից ի վեր։ Դրանց մեջ կան եզակի իրեր՝ արտառոց պատմությամբ։ Երևան ամսագիրը ներկայացրել է դրանցից մի քանիսը։
Արցախի Հանրապետության անկախությունը ճանաչելու բանաձևի բնօրինակը
ԱԺ արարողակարգի թանգարանի վերջին ու կարևորագույն ձեռքբերումներից է Ֆրանսիայի Հանրապետության Սենատի նախագահ Ժերար Լարշեի գլխավորած պատվիրակության ժամանակ ստացած նվերը: 2020-ի նոյեմբերի 25-ին Ֆրանսիայի Սենատի ընդունած Լեռնային Ղարաբաղի Հանրապետությունը ճանաչելու վերաբերյալ բանաձևի բնօրինակը 2021-ի Ապրիլի 24-ի հիշատակի միջոցառումների շրջանակում հանձնեցին Հայաստանի Ազգային ժողովի նախագահ Արարատ Միրզոյանին: Եվ հետևաբար՝ այժմ այն պահվում է ԱԺ արարողակարգի թանգարանում:
ԱԺ շենքի խճանկար
ԱՊՀ Միջկառավարական ասամբլեայի Խորհրդի ղեկավարի տեղակալ Հրաչյա Պողոսյանն ԱԺ այցի ընթացքում դատարկաձեռն չէր եկել: Նրա նվերը՝ բնական քարերից պատրաստված խճանկարը, որտեղ պատկերված է Ազգային ժողովի շենքը, այժմ փակցված է թանգարանի պատին։
Հուշանվեր Ջայպուրից
Հիրոսիմացի աղջկա զգեստը
Փյունիկյան արձանիկներ
