ԿԳՄՍՆ փոխնախարար Ժաննա Անդրեասյանը ֆեյսբուքյան իր էջում գրել է․
«Հանրային քննարկման ենք ներկայացրել դպրոցները դասագրքերով ապահովելու նոր կարգի նախագիծը, որով, մասնավորապես.
- նախատեսում ենք մեկ միասնական կարգ ունենալ բոլոր դասագրքերի համար և այդ շրջանակներում կարգավորել նաև հետևյալ դասագրքերի շրջանառությունը.
- Հաստատության ուսումնական պլանով սահմանված՝ ազգային փոքրամասնությունների լեզվին, պատմությանը, մշակույթին վերաբերող դասագրքերի,
- օտար լեզվով խորացված ուսուցում իրականացնելու համար անհրաժեշտ դասագրքերի,
- ռուսաց լեզվով ուսուցմամբ դասարաններում օգտագործվող դասագրքերի,
- մասնագիտացված հանրակրթական ծրագրեր իրականացնելու համար անհրաժեշտ դասագրքերի,
- բրալյան դասագրքերի և տետրերի։
թվայնացվում է նշված, ինչպես նաև տարրական դասարանների դասագրքերի պատվերների ձևավորման, հաշվառման գործընթացը՝ խուսափելով մարդկային գործոնով պայմանավորված վրիպակներից և սխալներից։ Տարրական դասարանների և վերևում թվարկված խմբերի դասագրքերի հայտագրման, պատվերի ձևավորման, հաշվառման գործընթացները կիրականացվեն Կրթության կառավարման տեղեկատվական համակարգով։
Նախագծով սահմանվում է նաև մշտադիտարկում դասագրքերի բաշխման գործընթացի նկատմամբ:
Առաջիկա օրերին հանրային քննարկման կներկայացնենք նաև դասագրքերի ստեղծման, դրանց գնահատման հանձնաժողովների ձևավորման նոր կարգի նախագիծը։
Մանրամասները՝ https://www.e-draft.am/projects/3488»-նշված է նախագծում։
