Նպատակ հետապնդելով խթանել իրադարձային տուրիզմը Հայաստանում, ներկայացնել հայկական գարեջրի հնուց եկած ավանդույթները, բացահայտել շուկայում ի հայտ եկող նորույթները, ինչպես նաև տարածել խմիչքի հետ համապատասխան սննդի զուգակցման մշակույթը, ԷվենտՏուրա ընկերությունը մեկնարկում է «Գարեջրի և Սննդի զուգակցման Օրեր 2021» միջոցառումը։
Միասին նոր հայացք նետենք գարեջրի պատմությանը, ցույց տանք, թե ինչ հին քաղաքակրթության կրող է հանդիսանում յուրաքանչյուր արտադրող և գարեջրասեր։ Միասին մատնանշենք գարեջրի կարևորությունը և բարձրացնենք դիրքը հայաստանյան շուկայում՝ հիմք հանդիսանալով արտերկրում հայկական գարեջրի առաջխաղացմանը։
Միջոցառումն իրականացվելու է Օգոստոսի 14-ին և 15-ին, ժամը 17։00-ից մինչև 23։00-ն, Զաքյան փողոցի` Մ. Խորենացուց մինչև Գր. Լուսավորիչ փողոցների խաչմերուկներն ընկած հատվածում։ Ամռան այդ երկու օրերի ընթացքում Զաքյան փողոցը ձևավորված կլինի բազմագույն և վառ լույսերի հետաքրքիր լուծումներով, որը երաժշտական մասի հետ կամբողջացնի երեկոյի տրամադրությունը։
Միջոցառման մուտքն ազատ է, սակայն գարեջուր ըմպելու համար անհրաժեշտ է ձեռք բերել համտեսման փաթեթ 5000 դրամ արժողությամբ, որը ներառում է․
● գարեջրի մեծ գավաթ
● պատյան
● կտրոններ
Միջոցառումն ունենալու է առանձնացված մի քանի գոտի․
Գարեջրի գոտի | Այս գոտում իրենց արտադրանքն են ներկայացնելու գարեջրի թե՛ հայրենական արտադրող, թե՛ գարեջուր ներմուծող ընկերությունները։
Սննդի գոտի | Ներկայացված են լինելու ռեստորանները, գարեջրատները, փաբերը և մատուցելու են գարեջրի հետ համադրվող լավագույն սնունդը։
Վարպետաց դասի գոտի | «Միասին սովորենք գարեջրի և սննդի զուգակցման գաղտնիքները»․ Այս գոտու նպատակն է կրթել հանրությանն արագ կողմնորոշվել՝ ինչ գարեջուր պատվիրել տվյալ սննդի հետ և այսուհետ տեղեկացած լինել։ Մուտքն անվճար է։ Այստեղ մասնագետները կկիսվեն իրենց փորձով և գիտելիքներով։
Խաղերի ժամանցային գոտի։
Միջոցառումն ունի հատուկ խորագիր. «Մենք ասում ենք Ո՜Չ ՊԼԱՍՏԻԿԻՆ»:
Միջոցառման ողջ տարածքում արգելվելու է մեկանգամյա օգտագործման պլաստմասե տարաների օգտագործումը՝ նպատակ ունենալով ևս մեկ անգամ պրոպագանդել ԲՆՈՒԹՅԱՆ ՊԱՀՊԱՆՈՒԹՅԱՆ ԵՎ ՊԱՏԱՍԽԱՆԱՏՈՒ ԶԲՈՍԱՇՐՋՈՒԹՅԱՆ կարևորությունը։
Հարգանքով՝
ԷվենտՏուրա
Վարչապետ Նիկոլ Փաշինյանն ընդունել է «Թումո» կենտրոնի համահիմնադիր Սեմ Սիմոնյանին և ԱՄՆ-ում գործող Inet Technologies…
Սեպտեմբերի 30-ին ՀՀ ԱԽ քարտուղար Արմեն Գրիգորյանի մասնակցությամբ Բրյուսելում տեղի է ունեցել ՆԱՏՕ-ի անդամ երկրների…
Մայրաքաղաքում տրանսպորտային հոսքերի անցանելիությունն ավելացնելու նպատակով հոկտեմբերի 2-ից երթևեկության կազմակերպման փոփոխություն կկատարվի Իսահակյան փողոցում: Այս…
Սեպտեմբերի 29-ից մինչև նոյեմբերի 25-ը պրոեֆսիոնալ դիտողական սարքերի միջոցով երկնքում տեսանելի կլինի «երկրորդ լուսինը». այս…
ՀՀ Ազգային ժողովի «Քաղաքացիական պայմանագիր» խմբակցության պատգամավոր Վահագն Ալեքսանյանի խոսքով՝ քանի դեռ եկեղեցում կան մարդիկ,…
-Մարդու իրավունքների եւ ազատությունների հետ կապված իրավիճակն Ադրբեջանում հուսադրող չէ,- «Ազատություն» ռադիոկայանին հարցազրույցում ասել է…