«Թալիբան» շարժման գրոհայինները մոտեցել են Աֆղանստանի մայրաքաղաք Քաբուլին:
Ապստամբներն արդեն գրավել են Մազարի Շարիֆը, որը հյուսիսում վերջին խոշոր քաղաքն էր, որը գտնվում էր կառավարության վերահսկողության ներքո:
Աֆղանստանի նախագահ Աշրաֆ Հանին երկու օր առաջ մեկնել էր քաղաք ՝ իշխանամետ ուժերի հավաքի համար: Վերջինս հայտնել էր, որ գրոհայինների առաջխաղացումը կասեցնելու նպատակով ինտենսիվ բանակցություններ է վարում տարածաշրջանային և միջազգային դաշնակիցների հետ:
Տեղեկացնենք, որ ավելի քան քառորդ միլիոն մարդ տեղահանվել է բռնությունների հետևանքով:
Երկրի մեծ մասն այժմ թալիբների ձեռքում է, փախստականներից շատերն էլ ուղևորվել են դեպի Քաբուլ՝ անվտանգություն գտնելու հույսով:
Թալիբների կողմից գրավված տարածքներում մարդիկ, այդ թվում կանայք, զանգվածային բռնությունների են ենթարկվում։
Պաշտոնյաների խոսքով՝ ամերիկյան զորքերը, որոնք այժմ գտնվում են Քաբուլում, օրական կկարողանան մի քանի հազար մարդու օդային ճանապարհովտարհանել։
Մոտ 600 բրիտանացի զինվորականներ էլ պետք է ժամանեն այս շաբաթ` ապահովելու Մեծ Բրիտանիայի քաղաքացիների անվտանգ դուրսբերումը: Նրանք նաև կօգնեն այն տեղացիների տեղափոխմանը, որոնք օգնել են բրիտանական ուժերին, և այժմ թալիբների կողմից հավանական հաշվեհարդարի վտանգի մեջ են։
Արտյոմ Քոսակյան
