Վահան Քերոբյանն ընդունել է ՀՀ-ում Արգենտինայի դեսպանին
Օգոստոսի 19-ին նախարար Վահան Քերոբյանը ընդունել է Հայաստանում Արգենտինայի արտակարգ և լիազոր դեսպան Մարիանո Վերգարային։
Ողջունելով դեսպանին՝ նախարարը բարձր է գնահատել երկու երկրների միջև առկա մի շարք ուղղություններով համագործակցությունը և ընդգծել, որ այն զարգացնելու դեռևս չիրացված հնարավորություններ կան։ Շնորհակալություն հայտնելով նախարարին ընդունելության համար՝ Մարիանո Վերգարան նշել է, որ հայկական ապրանքների նկատմամբ Արգենտինայում մեծ հետաքրքրություն և սպառում կա։
Այս համատեքստում դեսպանն առաջարկել է հայկական ընկերություններին, հաջողված փորձի օրինակով, դիտարկել արգենտինական շուկայում իրենց ներկայացվածությունը։ Նախարարը առաջարկել է արգենտինացի գործարարներին գործունեություն ծավալել Հայաստանում․ այս համատեքստում նա կարևորել է Հայաստանի անդամակցությունը Եվրասիական տնտեսական միությանը՝ նշելով, որ Հայաստանը շահավետ պայմաններ կարող է առաջարկել արգենտինական ընկերություններին, որոնք կկարողանան իրենց պատրաստի արտադրանքը դեպի ԵԱՏՄ և այլ երկրներ արտահանելու։
Նախարարը նաև կարևորել է համագործակցությունը երկու երկրների երիտասարդների միջև փոխանակման ծրագրերի իրականացման, սպորտի, պարերի և այլ բնագավառներում, որոնք էլ ավելի կամրացնեն երկու երկրների կապը՝ միաժամանակ նպաստելով նաև զբոսաշրջության զարգացմանը։ Կողմերը համակարծիք են եղել, որ Արգենտինայի և Հայաստանի միջև կա մեծ ներուժ առևտրատնտեսական կապերի խորացման և ամրապնդման, երկու երկրների գործարար համայնքների միջև կապերը ակտիվացնելու համար և քննարկել տնտեսության տարբեր ոլորտներում համագործակցության հնարավորությունները։
Հանդիպման ընթացքում կարևորվել է երկու երկրների փորձի փոխանակման անհրաժեշտությունը։ Դեսպանը նշել է, որ Արգենտինան մեծ ուշադրություն է դարձնում գյուղատնտեսության ոլորտի զարգացմանը և ավելացրել, որ այս ոլորտում փորձի փոխանակման և լուրջ համագործակցության լայն հնարավորություններ կան։
Հանդիպման ընթացքում դեսպան Վերգարան տեղեկացրել է, որ սեպտեմբերին նախատեսում են Հայաստանում բացել Արգենտինայի առևտրաարդյունաբերական պալատ, որը ևս մեկ խթան կդառնա հայ-արգենտինական տնտեսական կապերի ակտիվացման համար։
Նախարարը ողջունել է Հայաստանում Արգենտինայի առևտրաարդյունաբերական պալատ ունենալու գաղափարը և պատրաստակամություն հայտնել աջակցելու վերջինիս արդյունավետ գործունեության ապահովմանը։ Վահան Քերոբյանը համաձայնվել է ներկա գտնվել պալատի բացմանը և առաջարկել միջոցառմանը հրավիրել նաև հայ գործարարների՝ երկկողմ համագործակցության հիմքեր դնելու նպատակով։
Recent Posts
ԵՄ առաջնորդները Բրյուսելում արտակարգ ժողով են հրավիրել․ Թրամփին հակազդելու ծրագիր են մշակել
Եվրոպական առաջնորդները հավաքվել են Բրյուսելում՝ արտակարգ ընթրիքի՝ քննարկելու Միացյալ Նահանգների հետ արագ վատթարացող հարաբերությունները, որոնք…
ՀԱՄԱՍ-ը և Իսրայելը միմյանց մեղադրել են Գազայի հատվածում հրադադարի ռեժիմը խախտելու մեջ
Պաղեստինյան ՀԱՄԱՍ շարժումը հայտարարել է, որ Իսրայելը խախտել է հրադադարի ռեժիմը Գազայի հատվածի հարավում՝ Խան…
Ինչու է ՌՈ ավտոմեքենան հերթապահում Սուրբ Աստվածածին եկեղեցու մոտ. ՊՆ–ի արձագանքը
Ռազմական ոստիկանությունը Երևանի Քանաքեռ–Զեյթուն վարչական շրջանում բնականոն ծառայություն է իրականացնում։ Sputnik Արմենիայի հետ զրույցում այս…
Մշակույթի նախկին նախարարը դատապարտվել է 4 տարի 6 ամիս ժամկետով ազատազրկման, կիրառվել է համաներում
Գլխավոր դատախազությունը 2023 թվականի հոկտեմբերի 18-ին տեղեկացրել էր, որ 2012-2016 թվականներին ՀՀ մշակույթի նախարարի պաշտոնը…
Պաշտպանությունն ու պահեստազորն առաջնահերթություն են․ Պապիկյան
Տարածքային պաշտպանության համակարգի կայացումն ու պահեստազորի պատրաստությունը պաշտպանական գերատեսչության ամենակարևոր նպատակներից մեկն է: Այս մասին…
Իրանի ուղղությամբ ավելի մեծ նավատորմ է շարժվում, քան եղել է Վենեսուելայի ափերի մոտ. Թրամփ
ԱՄՆ նախագահը հերթական անգամ հայտարարել է, որ Իրանի ուղղությամբ մեծ նավատորմ է շարժվում՝ նույնիսկ ավելի…