ԱԺ-ում իր ելույթի ժամանակ ՀՀ վարչապետը վստահեցրեց, որ իրենք չեն պատրաստվում փախչել պատասխանատվությունից:
«Մենք լրջագույն մարտահրավերների առաջ ենք կանգնած: Եվ այդ մարտահրավերները չենք պատրաստվում թաքցնել, երբեք էլ չենք թաքցրել»
«Մենք բոլորին կոչ ենք անում, արտախորհրդարանական ուժերի հետ ենք համագործակցության ֆորմատներ ձևավորում, առավել ևս խորհրդարանական ուժերին ասում ենք՝ կա խնդիր, խնդիրն ընդհանուր է, եկե՛ք, մասնակցե՛ք այդ խնդրի լուծմանը»,- նշեց վարչապետը:
Փաշինյանի խոսքով՝ Ադրբեջանից հնչող հայտարարությունները Հայաստանի առաջ քաշած տարածաշրջանային խաղաղության օրակարգին հարվածելու և դրանից շեղելու նպատակ ունեն:
«Այո՛, հեշտ չէ: Մենք դժոխքի միջով ենք անցել, մեզ պինդ նյարդեր են պետք, շատ պինդ նյարդեր: Չպետք է հույս ունենանք, որ մի օրում, վեց ամսում, յոթ ամսում մեզ հաջողվելու է ստեղծել լիարժեք կայուն միջավայր: Դրա համար էլ կառավարության ծրագրում գրված է, որ առաջնային խնդիրը ՀՀ-ի և Արցախի շուրջ իրավիճակը կայունացնելն է»,- ասաց նա:
