Միջին նորոգման աշխատանքներ են տարվում Հ-34 (Մ-3), Ստեփանավան-Պրիվոլնոյե-Վրաստանի սահման հանրապետական նշանակության ավտոճանապարհի կմ0+000-կմ5+038 հատվածում։ Մոտ 5կմ երկարությամբ ճանապարհն անցնում է ՀՀ Լոռու մարզով՝ Ստեփանավան, Ուռուտ, Պրիվոլնոյե բնակավայրերի մոտով։ Արդեն ընթանում են ասֆալտբետոնե ծածկի տեղադրման աշխատանքները։
Նորոգումը կատարում է «Ճանապարհ» ՍՊԸ-ն։ Աշխատանքների պայմանագրային արժեքն է մոտ 140 միլիոն դրամ։ Ֆինանսավորումը կատարվել է ՀՀ պետական բյուջեից։ Ճանապարհի նորոգումը մեծ նշանակություն ունի երթևեկն անվտանգ եւ ապահով կազմակերպելու համար։
