Այս ընդդիմությունն ազգային անվտանգության սպառնալիք է | Արման Բաբաջանյան

Թիվ 1 Ստուդիա | ԱՐՄԱՆ ԲԱԲԱՋԱՆՅԱՆ

• Ես համառորեն շարունակելու եմ այդ 2 ուժերին չորակել որպես ընդդիմություն. նրանք շարունակում են մնալ ազգային անվտանգության սպառնալիք, պետականության ընդերքում դրված ռումբ. դավաճանների, մարդասպանների, բանդիտների, մաֆիայի, քրեաօլիգարխայի ներկայացուցիչներն են նրանք։
• Ռոբերտ Քոչարյանը, Սերժ Սարգսյանը Ալիևի հետ շատ սինքրոն աշխատում են․ սրանք՝ խորհրդարանում, նրանք՝ կոնկրետ սահմանային տարբեր հատվածներում կարողանում են առաջացնել անհրաժեշտ լարումներ, անհրաժեշտ սպառնալիքներ Հայաստանի և հայ ժողովրդի գլխին։
• Ես խորապես համոզված եմ, որ եթե մեզ իսկապես հաջողվի դասեր քաղել ստեղծված իրավիճակից, դասեր քաղել խորհրդարանական ընտրություններին նախորդած ժամանակահատվածում՝ չմիավորվելու արդյունքում այս իրականությունից, մենք կկարողանանք ստեղծել մի իրականություն, որը կստիպի սսկվել այս սպառնալիք հանդիսացող ուժերին և խորհրդարանում լծվել աշխատանքի։
• Երբ ներսում այսպիսի խժդժություններ ենք արձանագրում, մենք սահմանին շատ կոնկրետ լարվածություն ենք ունենում, և այս անգամ Սյունիքում ճանապարհների շուրջ ստեղծված իրավիճակով դա հանգուցալուծվեց։
• Ոչ միայն ընդդիմություն գոյություն չունի, այլև՝ քաղաքական միտք գոյություն չունի և այդ միտքը պետք չի ակնկալել, որ երբևէ գեներացվելու է այս խորհրդարանում՝ 8-րդ գումարման Ազգային ժողովում՝ այս ուժերի կողմից։