Սերժ Սարգսյանի փաստաբան Ամրամ Մակինյանն այսօր հայցադիմում մուտքագրեց Երևանի ընդհանուր իրավասության դատարան՝ ընդդեմ ԱԺ «Քաղաքացիական պայմանագիր» խմբակցության պատգամավոր Խաչատուր Սուքիասյանի՝ Սերժ Սարգսյանի պատիվն ու բարի համբավն արատավորող տեղեկությունները հերքելու պահանջով։
Մակինյանը լրագրողների հետ զրույցում հայտնեց՝ իրենք պահանջում են, որ հերքումը տեղի ունենա հենց ԱԺ ամբիոնից՝ նշելով, որ հայցադիմումը բավականին ծավալուն է։ «Մենք պահանջել ենք Խաչատուր Սուքիասյանից 1 միլիոն դրամ՝ որպես վնասի փոխհատուցում, որն ամբողջությամբ պետք է վճարվի «Զինծառայողների ապահովագրության հիմնադրամին»»,- հավելեց Մակինյանը:
Հիշեցնենք, որ Խաչատուր Սուքիասյանն ԱԺ ամբիոնից հայտարարել էր, որ Սերժ Սարգսյանը 100 միլիոն դոլարից ավելի «կազինոներում» կրվել է։
