Ռուսաստանի Դաշնության նախագահ Վլադիմիր Պուտինը Եվրոպական խորհրդի նախագահ Շառլ Միշելի հետ քննարկել է Լեռնային Ղարաբաղի շուրջ եռակողմ պայմանավորվածությունների իրականացման ընթացքը:
Այս մասին հայտնում է Կրեմլի պաշտոնական կայքը:
«Քննարկվել է իրադրությունը Լեռնային Ղարաբաղի շուրջ: Շառլ Միշելի խնդրանքով Ռուսաստանի նախագահը տեղեկացրել է այն քայլերի մասին, որոնք ձեռնարկվում են 2020 թվականի նոյեմբերի 9-ի և 2021 թվականի հունվարի 11-ի եռակողմ համաձայնությունների կյանքի կոչման ուղղությամբ»,- ասվում է հաղորդագրության մեջ:
