ՀՀ ԿԳՄՍ նախարարության աջակցությամբ «Ա. Բաբաջանյանի հիշատակի հիմնադրամի» նախաձեռնությամբ Մոսկվայի Պ. Չայկովսկու անվան կոնսերվատորիայի Ռախմանինովի դահլիճում կայացել է լեգենդար կոմպոզիտոր Առնո Բաբաջանյանի 100-ամյակին նվիրված համերգ:
Համերգի ընթացքում հնչել են մեծանուն Բաբաջանյանի դասական ստեղծագործությունները՝ հայ և ռուս երաժիշտների կատարմամբ: Միջոցառմանը ելույթով հանդես է եկել ՀՀ ԿԳՄՍ նախարարի տեղակալ Արա Խզմալյանը:
Ռուսաստանի մայրաքաղաք Մոսկվայում Առնո Բաբաջանյանի 100-ամյա հոբելյանին նվիրված միջոցառումները կշարունակվեն մինչև սեպտեմբերի 15-ը։
