Առողջապահության նախարար Անահիտ Ավանեսյանը Ազատության հետ հարցազրույցում կորոնավիրուսի համաճարակայինպատկերի և պատվաստումների վերաբերյալ հայտնել է հետևյալը․
Ընդհանուր առմամբ սոմատիկ մահճակալների թիվը հասնում է 1711-ի այս պահին ծավալված, որից 1546-ը զբաղված է։ Վերակենդանացման բաժանմունքներում ունենք 318 մահճակալ, որից 279-նն է զբաղված։
Ծայրահեղ ծանր վիճակում գտնվում են 142 քաղաքացի, և ևս 60 քաղաքացի միացված են թոքերի արհեստական շնչառական ապարատներին։
Պատվաստումների հետ կապված, նկատում ենք ընդհանուր համացանցում դժգոհությունների և մտահոգությունների ալիք, բայց մյուս կողմից տեսնում ենք օրական պատվաստումների կտրուկ աճը։ Ընդհանուր առմամբ կատարվել է մոտ 242 հազար պատվաստում։ Ու պիտի մենք բավական արագ տեմպով առաջ գնանք, որպեսզի արագ շտկենք իրավիճակը։
Մարտ ամսին մենք ունեինք վիճակագրական տվյալներ, որ բնակչության ընդամենը 10%-ն էր կողմ պատվաստումներին։ Իսկ այսօր՝ գրեթե 50%-ը։ Սա նշանակում է, որ մի փոքր ժամանկ էր պետք մարդկանց տեղեկատվությունը մարսելու համար։
