Արցախում ջահերթով երթն առաջնորդել են հղի կինը, զինվորականն ու հոգևորականը (լուսանկարներ)

Երեկ, սեպտեմբերի 26-ին Ստեփանակերտում կայացել է «Արցախն ապրում է» խորագրով ջահերով երթ՝ ի հիշատակ արցախյան 44-օրյա պատերազմում նահատակված քաջորդիների։ 

Երթն առաջնորդել են հղի կինը, զինվորականն ու հոգևորականը՝ որպես հավատի, ուժի ու կյանքի խորհրդանիշներ:

Նախքան երթի մեկնարկը, Սբ. Հակոբ եկեղեցում տեղի է ունեցել հոգեհանգստի կարգ։ 

Երթին են միացել «Հայաստան», «Սփյուռք», «Հադրութ», «Շուշի», «Քաշաթաղ», «Շահումյան», «Քարվաճառ» թևերը։ Երթն ամփոփվել է Ստեփանակերտի հուշահամալիրում, որտեղ մասնակիցներին դիմավորել են քահանան, զինվորը և հղի կինը, ովքեր խորհրդանշում են հավատը, ուժը և կյանքը։ Նրանք էլ միացել են երթին:

Լուսանկարները՝ «Արցախպրես»-ի։