ՀՀ առողջապահության նախարար Անահիտ Ավանեսյանն այսօր լրագրողների հետ ճեպազրույցի ընթացքում անդրադարձավ Հայաստանում կորոնավիրուսային իրավիճակին։
Նա ասաց, որ կորոնավիրուսով վարակվածներին սպասարկող բժշկական կենտրոնների թիվն արդեն հասել է 20-ի, ևս 2-ը կսկսեն սպասարկել մարզերում այս շաբաթվա ընթացքում։
Ավանեսյանը նշեց, որ «Դելտա» շտամով հիվանդներին կարիք է լինում հոսպիտալացման, ինչպես նաև շատանում է ծայրահեղ ծանր հիվանդների քանակը։ Սա շտամի առանձնահատկություններից է։
Նախարարի խոսքով՝ այժմ էլ կան պատվաստվածներ, որոնց հոսպիտալացնելու կարիք է եղել։
