Տրամադրության անկում, հոգնածություն, որը չի լքում, ինչ-որ քաղցր բան ուտելու ցանկությունը, որի հետևանքն էլ ավելորդ կիլոգրամններն են…սեզոնային դեպրեսիան ու դրա ախտանշանները ծանոթ են շատերիս. ի դեպ, կանանց մոտ այն առավել հաճախ է արտահայտվում, քան՝ տղամարդկանց։ Սեզոնային դեպրեսիան իր առավել սուր դսևորումներով նկատվում է մարդկանց 10—12%-ի մոտ։ Հուրախություն մեզ, հոգեբանները գտել են մի քանի միջոց, թե ինչպես կարելի է խուսափել անցանկալի հոգեվիճակից։

1. Դուրս արի տնից

Գիտականորեն ապացուցված է. որոշ մարդկանց մոտ աչքի ցանցաթաղանթի զգայունությունը լույսի հանդեպ այնքան ցածր է, որ դա երբեմն դառնում է սեզոնային դեպրեսիայի պատճառ։ Տարվա այն եղանակներին, երբ արևն ավելի քիչ է լուսավորում վերոնշյալ մարդիկ անմիջապես ընկնում են դեպրեսիայի գիրկը։ Աշնանային դեպրեսիան առաջին հերթին անբավարար լուսավորության արդյունք է։ Արևի շողերի անբավարարության պատճառով մեր օրգանիզմում խաթարվում է մելատոնինի արտադրության գործընթացը. հորմոն, որը պատասխանատու է մեր «բիոլոգիական ժամերի» համար։ Մեր ուղեղը սկսում է դժվարությամբ արթաննալ առավոտյան, հոգնածություն զգալ ամբողջ օրվա ընթացքում, իսկ գիշերը՝ բարդությամբ քուն մտնել։ Այս ախտնիշներից խուսափելու համար հարկավոր է օրվա ընթացքում գոնե կես ժամ անցկացնել դրսում՝ մաքուր օդին։ Ցանկալի է զբոսնել կեսօրին, երբ արևի ճառագայթներն ավելի շատ են հասնում մեր մոլորակ։

2. Վազիր, Ֆորեսթ, վազիր

Եվս մեկ պատճառ՝ տնից դուրս գալու. վազեք ամեն առավոտ։ Ցանկացած ֆիզիկական ակտիվություն ոչ միայն կատարելագործում է մեր մարմինը, այլև դրական լիցքեր է հաղորդում՝ ողջ օրվա համար։ Ֆիզիկական ակտիվության ընթացքում մեր մկանները արտադրում են էնդորֆին՝ «երջանկության հորմոն»։ Վերոնշյալ հորմոնը նաև կարգավորում է մեր «բիոլոգիական ժամերը»։ Ընդամեկը երեսուն րոպե հատկացրեք առավոտյան վազքին, կարդիո մարզումներին, կամ տրենաժորին և խուսափեք աշնանային դեպրեսիայից։

3. Շաքարը փոխարինեք վիտամիններով

Շաքարն օգնում է պայքարել հոգնածության, տագնապի ու տրամադրության անկման հետ. դա է պատճառը, որ տարվա «անհարմար» եղանակին մեզնից շատերը սկսում են չարաշահել քաղցրավենիքը։ Վերոնշյալ էֆեկտը շատ շուտ է անցնում. շուտով արյան մեջ շաքարի մակարդակն իջնում է ու մենք ավելի մեծ հոգնածություն ենք զգում։ Այս ամենից խուսափելու և ստաբիլ, լավ տրամադրություն ունենալու համար մասնագետները խորհուրդ են տալիս հրաժարվել «քաղցր դիետաներից» և դրանք փոխարինել մագնեզիումով ու B և C վիտամիններով։ Որպեսզի աշխատանքային օրվա ընթացքում չուտեք ձեռքի տակ ընկած թխվածքաբլիթները կամ կոնֆետները, կարևոր է, որ բաց չթողնեք նախաճաշը։

4. Սև շոկոլադ և ընդեղեն

Մագնեզիումի ցանկալի չափաբաժինը ապահովելու համար կարելի է օգտագործել դեղորայք, սակայն գոյություն ունի այս «հակադեպրեսանտի» ավելի բնական ու հաճելի աղբյուր՝ սև շոկոլադ։ Կարևոր է չափը չանցնել՝ մեկ-երկու կտորը բավական է. այն չի վնասի ձեր կառուցվածքին, փոխարենը դրական տրամադրություն կապահովի։ Մագնեզիումի պաշարն ամբողջացնելու համար կարող եք պարբերաբար օգտագործել ձավարեղեն, ծովամթերք և ընդեղեն։ Ընդեղենը կարող եք ընտրել՝ ըստ ճաշակի. օրվա ընթացքում 10 հատ որևէ ընդեղեն ուտելը հիանալի միջոց է ուժերը պահպանելու ու լիցքավորվելու համար։

5. Արի հանդիպենք

Աշնանային դեպրեսիայի յուրատեսակ դրսևորում է, երբ մենք ուզում ենք փակվել տանը՝ մենակության մաջ, փաթաթվել տաք վերմակով ու տխրել, տխրել։ Արի ու տես, որ սիրելի բազմոցը լավագույնը լուծումը չէ։ Հոգեբանները պնդում են. կենդանի շփումը զգալիորեն նվազեցնում է սեզոնային դեպրեսիայի ախտանշանները, իսկ երկարատև մենակությունը միայն սրում է դեպրեսիվ զգացողությունները։ Մի խզեք ձեր ամառային կապերը, շարունակեք շփվել ընկերների հետ և մի մոռացեք, որ աշունը ոչ միայն անձրևների մասին է, այլև՝ թատերական նոր եթերաշրջանի, նոր համերգների ու վառ շոուների։ Շփվեք աշխարհի հետ։