Գեղարքունիքի մարզի Լիճք գյուղում, Սևան-Մարտունի-Գետափ միջպետական ճանապարհի հատվածում, ՀՀ ՏԿԵ նախարարության պատվիրատվությամբ միակողմանի մայթ է կառուցվում՝ 1866 մետր երկարությամբ։
Ինչպես հայտնում է Գեղարքունիքի մարզպետարանը, շինարարական աշխատանքները մեկնարկել են սեպտեմբերի 20-ից և կավարտվեն այս տարվա նոյեմբերին։ Շինարարական աշխատանքներն իրականացնում է «Շանթ-Սեյրան» ՍՊԸ-ն։
Շինարարության պայմանագրային արժեքը կազմում է 64 միլիոն 254 հազար դրամ։ 1484 գծամետր մայթը կառուցվում է 1,50 մետր լայնությամբ, 235 գծամետրը՝ 1 մետր լայնությամբ, 147 գծամետրը՝ 1,38 մետր լայնությամբ։ Ողջ երկայնքով մեկ տեղադրվում են բազալտե եզրաքարեր։
Սալիկապատվող մայթի ընդհանուր մակերեսը կազմում է 2664,7 քառակուսի մետր։
