Պետք է մեր խաղողագործներին միավորել իրար հետ, և ձևավորել որևէ ասոցիացիա, որ այսօրվանից կարողանան մյուս տարվա համար մթերող ընկերությունների հետ բանակցել։ Կառավարության նիստի ժամանակ այս մասին ասաց ՀՀ վարչապետ Նիկոլ Փաշինյանը։
«Ամեն անգամ օգոստոսին գալ ու հիշել, որ խաղողի մթերման խնդիր կա, ճիշտ չէ։ Այդքան էլ ճիշտ չէ, երբ կառավարությունը գնում է ու ասում, թե ինչ գնով պետք է մթերեն։ Դա խաղող արտադրողների և մթերողների բանակցությունների ու շուկայական հարաբերությունների կարգավորման հարցն է»,-ասաց Նիկոլ Փաշինյանը։
Վերջինս նկատեց, որ շուկայի կարգավորման առումով կան նրբություններ, որոնց դեռ կանդրադառնան։ Նիկոլ Փաշինյանի խոսքով շուկայի կարգավորման համար կառավարության գործառույթները պետք է արդյունավետ լինեն։
