Իրանի ԱԽ քարտուղարն արձագանքել է Ալիևին

Իրանի ազգային անվտանգության գերագույն խորհրդի քարտուղար Ալի Շամխանին արձագանքել է Ադրբեջանի նախագահ Իլհամ Ալիևի՝ Իրանի և Հայաստանի մասին արված այն հայտարարություններին, թե իբր Երևանն ու Թեհրանը գործակցել են թմրամիջոցների ապօրինի շրջանառության ոլորտում:

Շամխանին Թվիթերի էջում շեշտել է, որ բարիդրացիության սկզբունքներն անտեսելը և ոչ կառուցողական հայտարարությունները չեն կարող բարի կամքի նշան լինել:

«Թմրամիջոցների դեմ պայքարում աշխարհի կողմից հերոս ճանաչված երկրի դեմ մեղադրանքը չի կարող այլ արձագանք ստանալ, քան մեղադրողի խոսքերի հերքումը: Զգուշացեք սատանայի թանկարժեք ծուղակներից»,-շեշտել է քարտուղարը: