Ի՞նչ հանցանք էր գործել 384.912 տարի ժամկետով ազատազրկման դատապարտված իսպանացին

Shantnews-ը գրում է,- Մեզանից շատերն են լսել կամ կարդացել, թե ինչպես են արտերկրի դատարանները պատիժ նշանակում 100, 200, նույնիսկ 300 տարի ժամկետով, սակայն, պարզվում է, որ դա առավելագույն չափը չէ:

Մարդկության պատմության մեջ ամենաերկար պատիժը ստացել է իսպանացի Գաբրիել Մարչ Գրանդոսը 1972թ.-ին: Նա դատապարտվել է 384.912 տարի ազատազրկման` այդ կերպ գրանցվելով նաև Գինեսի ռեկորդների գրքում:

Գաբրիել Գրանդոսը ոչ մարդասպան էր և ոչ էլ որևէ ահաբեկչական խմբավորման անդամ:
Բանն այն է, որ Գրանդոսն աշխատում էր Պալմա Դե Մայորկայի փոստատանը՝ որպես փոստատար, և իր աշխատանքի ողջ ընթացքում ոչնչացրել է 42.768 նամակ:

Տեղի օրենսդրությունը նախատեսում է 9 տարվա ազատազրկում՝ փաստաթղթերի կանխամտածված ոչնչացման համար:
Հենց այդքան էլ պատիժ նախատեսել են Գրանդոսի համար՝ աշխատանքի ընթացքում յուրաքանչյուր չառաքված նամակի համար:

Ի՞նչն էր չառաքելու պատճառը, պարզապես չի ցանկացել:

Կոնֆուցիոսն ասել է`ընտրիր քո սրտով աշխատանք, և դու ստիպված չես լինի աշխատել քո կյանքում ոչ մի օր:
Թող աշխատանքը կայուն եկամտին զուգահեռ նաև հաճույք պարգևի ձեզ:

Հաճելի աշխատանքային օր: