Ընդհանուր գնաճը 8,9 տոկոս է, բայց սննդամթերքի համար, իհարկե, ավելի բարձր:
Այսօր այս մասին Կառավարության նիստից հետո լրագրողների հետ զրույցում հայտարարեց Էկոնոմիկայի նախարար Վահան Քերոբյանը:
Նրա խոսքով՝ գնաճը խժռում է իրենց արած աշխատանքի մեծ մասը: Նախարարը որպես գնաճի դեմ իրենց կիրառած գործիքակազմ՝ նշեց տարբեր երկրների հետ կոնսուլտացիաները:
«Անընդհատ կոնսուլտացիաների մեջ ենք մեր գործընկեր երկրների հետ, առաջին հերթին՝ ԵԱՏՄ գործընկերների, նաև՝ Ուկրաինայի և Հարավամերիկյան երկրների հետ, որպեսզի կարողանանք ՀՀ տնտեսվարողներին ապահովել ցածր գներով կամ նորմալ գներով ապրանքներով և հումքով, ինչը թույլ կտա մեղմել գնաճը»,- նշեց նա:
