Արաբկիրի Մանկական քաղաք թաղամասում հերթական ապօրինի կառույցն է ապամոնտաժվել

Արաբկիր վարչական շրջանի ղեկավարի աշխատակազմի աշխատակիցների ջանքերով Շրջանցիկ թունելի Մանկական քաղաք թաղամասում կանխվել է համայնքային հողազավթման և ապօրինի շինարարության հերթական փորձը։

Այս մասին տեղեկացնում են վարչական շրջանի էջում՝ հիշեցնելով, որ Արաբկիր վարչական շրջանի ղեկավարի աշխատակազմը բազմիցս հորդորել է զերծ մնալ համայնքային հողի յուրացման կամ ապօրինի շինարարություն իրականացնելու գործընթացներից։

«Առանց օրինական հիմքի կառուցված շինություններն այլընտրանք չունեն և ենթակա են ապամոնտաժման։

Տհաճ իրավիճակներից խուսափելու համար ևս մեկ անգամ հորդորում ենք շինարարություն սկսելուց առաջ խորհրդակցել վարչական շրջանի քաղաքաշինության և հողօգտագործման բաժնի մասնագետների հետ։ Ձեզ կտրամադրվի անվճար խորհրդատվություն։

 011518233, 011518234»,-նշվում է էջում: