«ՀայՓոստ» ՓԲԸ գլխավոր գործադիր տնօրեն Հայկ Կարապետյանը և ԵՊՀ ռեկտորի ժ.պ. Հովհաննես Հովհաննիսյանը նոյեմբերի 1-ին ստորագրել են համագործակցության հուշագիր: Այն միտված է ուսանողների կրթության որակի բարձրացմանը, ինչպես նաև՝ գործնական փորձի հարստացմանը:
Այս մասին հայտնում են «ՀայՓոստ»-ից, ընդգծելով, որ ԵՊՀ-ն և «ՀայՓոստ»-ը տարիներ շարունակ ակտիվ համագործակցում են, որի արդյունքում ուսանողներին և շրջանավարտներին արվել են բազմաթիվ աշխատանքային և պրակտիկայի առաջարկներ:
Հուշագրով ամրագրվել են ուսանողների ուսումնաարտադրական և գիտահետազոտական պրակտիկաների անցկացումը, ինչպես նաև բաց դասերի, սեմինարների և մասնագիտական քննարկումների կազմակերպումը «ՀայՓոստ» ՓԲԸ-ում։
Կողմերը համատեղ նախատեսել են մշակել համագործակցության առավել արդյունավետ ձևաչափեր` կրթական ծրագրերի կատարելագործման և գործարար մակարդակում դրանց կիրառման նպատակով:
