Ադրբեջանի ռազմաօդային ուժերը (ՌՕՈՒ) Արցախյան երկրորդ պատերազմի ընթացքում Սու-25 կործանիչներում նոր տեսակի ռումբեր են օգտագործել։
Այս մասին հայտարարել է Ադրբեջանի պաշտպանության նախարարի տեղակալ, ՌՕՈՒ հրամանատար, գեներալ-լեյտենանտ Ռամիզ Թահիրովը ադրբեջանական ITV-ով հեռարձակված «Անտեսանելի հերոսներ՝ ռազմաօդային ուժեր» վավերագրական ֆիլմում, փոխանցում են տեղական լրատվամիջոցները։
Մասնավորապես, Թահիրովն ասել է, որ խոսքը գնում է լազերային կառավարվող ռումբերի մասին։ «Այդ ռումբերը մեզ հնարավորություն տվեցին ճշգրիտ հարվածներ հասցնել։ Պատերազմից առաջ մեզ ասում էին, որ չի կարելի նույն թիրախին երկու անգամ հարվածել, իսկ մենք ցույց տվեցինք, որ հնարավոր է»,- ասել է Թահիրովը։
