Այն, որ ՀՀ կառավարությունը, համավարակով պայմանավորված, չի ցանկանում գնալ լոքդաունի, նշանակում է, որ Կառավարությունը չի ցանկանում լրացուցիչ սոցիալ-տնտեսական խնդիրներ ստեղծել քաղաքացիների համար։
Այս մասին գրել է ՀՀ վարչապետի աշխատակազմի ղեկավարի տեղեկալ Տարոն Չախոյանը՝ նշելով՝ սա ամենևին չի նշանակում, որ մեր քաղաքացիները, մտածելով, որ չեն լինելու լոքդաուններ, չպետք է պատվաստվեն։
«Լոքդաունների չգնալու Կառավարության որոշումն ընդամենը նշանակում է, որ Կառավարությունը չի ցանկանում լրացուցիչ խնդիրներ ստեղծել իր քաղաքացիների համար, իսկ քաղաքացիները, գիտակցելով հարցի լրջությունն ու կարևորությունը, պետք է օր առաջ պատվաստվեն։ Համավարակի հետևանքով օրական տասնյակ մահերի միակ պատճառը պատվաստված չլինելն է, և նույնիսկ 1 ժամ առաջ արած պատվաստումը կարող է կյանքեր փրկել»,- գրել է նա:
