«Տաշիր պիցա» պիցերիաների կետերից երեկ օգտված, թունավորված և հոսպիտալացված քաղաքացիների թիվը հասել է 44-ի:
Այս մասին տեղեկացրել է առողջապահության նախարարությունը՝ հորդորելով վերջին 2 օրվա ընթացքում նշված պիցերիաների ցանցից օգտված քաղաքացիներին դիմել բժշկական օգնության:
«Սիրելի հայրենակիցներ, հաշվի առնելով, որ «աղիքային վարակին» բնորոշ աշտանշաններով հոսպիտալացվածները շատացել են՝ առողջապահության նախարարությունը հորդորում է վերջին 2 օրվա ընթացքում նշված պիցերիաների ցանցից օգտված քաղաքացիներին դիմել բժշկական օգնության՝ ջերմության բարձրացում, փորլուծություն, փսխում, սրտխառնոց, ընդհանուր թուլություն ունենալու դեպքում»,- նշված է նախարարության տարածած հաղորդագրության մեջ:
Հիշեցնենք, որ ՀՀ սննդամթերքի անվտանգության տեսչական մարմնի առավոտյան տարածած հաղորդագրության համաձայն՝ երեկ Ինֆեկցիոն ազգային կենտրոն է ընդունվել 15 քաղաքացի՝ աղիքային ինֆեկցիա նախնական ախտորոշմամբ։ Բոլոր քաղաքացիները նշել են, որ սնվել են «Տաշիրի պիցա» հանրային սննդի կետում՝ 13-ը՝ Երևանի Հյուսիսային պողոտայում, իսկ 2-ը՝ Խանջյան փողոցի վրա գտնվող:
