«Երևանի պետական համալսարան» հիմնադրամի նոր ձևավորված հոգաբարձուների խորհրդի անդրանիկ նիստին ձայների մեծամասնությամբ որոշվել է չեղարկել ռեկտորի ընտրության՝ նախկինում չկայացած մրցույթը, փոփոխություն իրականացնել ռեկտորի ընտրության կանոնակարգում և հայտարարել նոր մրցույթ: ԵՊՀ-ն տեղեկացնում է, որ ըստ այդմ, որոշվել է, որ ռեկտորի ընտրությունը տեղի է ունենալու ընթացիկ տարվա դեկտեմբերի 17-ին:
Հոգաբարձուների խորհրդի անդրանիկ նիստն անցկացվել է օրակարգային 5 հարցով, որի ընթացքում ընտրվել են նախագահ և քարտուղար: ԵՊՀ հոգաբարձուների խորհրդի նախագահի պաշտոնում ընտրվել է ՀՀ փոխվարչապետ Սուրեն Պապիկյանը, իսկ քարտուղարի պաշտոնում՝ Մարդու իրավունքների եվրոպական դատարանում Հայաստանի Հանրապետության ներկայացուցիչ Եղիշե Կիրակոսյանը:
