ՀՀ վարչապետ Նիկոլ Փաշինյանի որոշմամբ,Շիրակի նախկին մարզպետ Հովհաննես Հարությունյանը պաշտոն է ստացել ՀՀ կառավարությունում:
«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 1-ին մասով՝
Հովհաննես Հարությունյանին նշանակել տարածքային կառավարման և ենթակառուցվածքների նախարարի տեղակալ»:
Հիշեցնենք, Հարությունյանը Շիրակի մարզպետի պաշտոնից ազատվեց Կառավարության նոյեմբերի 4-ի նիստում: Հարցը ներառված էր Կառավարության նիստի չզեկուցվող հարցերի փաթեթում:
Հարությունյանն այս պաշտոնին նշանակվել էր 2021 թվականի հունվարի 21-ին: Նա հոկտեմբերի 17-ին Գյումրու ՏԻՄ ընտրություններում «Քաղաքացիական պայմանագիր» կուսակցության համայնքապետի թեկնածուն էր:
Հիշեցնենք նաև, «Հայկական ժամանակ»-ն ավելի վաղ գրել էր, որ Շիրակի մարզպետի պաշտոնում նշանակվելու է «Քաղաքացիական պայմանագիր» կուսակցության՝ արդեն նախկին քարտուղար Նազելի Բաղդասարյանը: Նա ՀՀ Ազգային ժողովի պատգամավորի մանդատից հրաժարվելու դիմում էր ներկայացրել հոկտեմբերի 29-ին:
