ՀՀ վարչապետ Նիկոլ Փաշինյանի որոշմամբ՝ Սարգիս Մուրադյանը նշանակվել է Սևան համայնքի ղեկավարի պաշտոնակատար:
Որոշման մեջ ասվում է.
«Տեղական ինքնակառավարման մասին» օրենքի 27-րդ հոդվածի 2.1-ին մասին համապատասխան՝ Սարգիս Մուրադյանին նշանակել Հայաստանի Հանրապետության Գեղարքունիքի մարզի Սևան համայնքի ղեկավարի պաշտոնակատար:
Նա Սևան համայնքը ղեկավարում է 2016թ. հոկտեմբերի 2-ից:
Նշենք, որ Մուրադյանը դեկտեմբերի 5-ին կայանալիք Սևանի համայնքապետի ընտրություններին մասնակցում է «Սարգիս Մուրադյան» դաշինքով, որին աջակցելու մասին հայտարարություն էր տարածել իշխող «Քաղաքացիական պայմանագիր» կուսակցությունը:
