Լեռնային Ղարաբաղում ռուսական խաղաղապահ զորախմբի պատասխանատվության գոտում սահմանային գծով ռուս խաղաղապահները պարեկային ծառայություն են իրականացրել:
Պարեկային խմբերը մի քանի կիլոմետրանոց երթ են իրականացրել ժամանակակից զրահափոխադրիչներով՝ BTR-82A և Ural մեքենաներով: Նրանք անցել են բարելավված միջքաղաքային երթուղու հանրային ճանապարհներով և դժվարանցանելի, գրունտային ճանապարհներով՝ շրջելով հեռավոր բնակավայրերում ևս:
«Ռուս խաղաղապահներն ամեն օր պարեկություն են իրականացնում Լեռնային Ղարաբաղի Մարտակերտի, Մարտունու, Ասկերանի, Շուշիի շրջանների տարբեր երթուղիներով, ինչպես նաև Լաչինի միջանցքով։ Պարեկության ընթացքում հսկողություն է իրականացվում հրադադարի ռեժիմի պահպանման, օդային իրավիճակի դիտարկում և տեղի բնակիչների հարցման միջոցով»,- ՌԴ ՊՆ կայքի փոխանցմամբ, ասել է ռուսական խաղաղապահ զորախմբի խոսնակ Մաքսիմ Սազոնովը։
27 դիտակետերում ռուս խաղաղապահները շուրջօրյա հսկողություն են իրականացնում իրավիճակի և հրադադարի ռեժիմի պահպանման նկատմամբ։
Ռուսական խաղաղապահ զորախմբի պատասխանատվության գոտում հնարավոր միջադեպերը կանխելուն ուղղված ջանքերը համակարգելու համար շարունակական փոխգործակցություն է պահպանվում Ադրբեջանի և Հայաստանի զինված ուժերի գլխավոր շտաբների հետ։
