Վանո Սիրադեղյանի ընտանիքի անդամները համաձայն չեն, որ վերջինս հուղարկավորվի Թոխմախի գերեզմանատանը։
Այս մասին նոյեմբերի 9-ին Facebook-ի իր էջում գրել է նրա դուստրը՝ Արփի Սիրադեղյանը։
«Վանոն պետության հիմնադիրներից է և որպես նշանավոր գրող, պետական և քաղաքական գործիչ ունի պատմական լիիրավ իրավունք հանգիստ հանգչելու Կոմիտասի անվան Պանթեոնում։
Սակայն իշխանավորները դա ճիշտ չեն համարում, քանի որ էությամբ ստրուկ են, ձևով դավաճան, տեսակով մանրապճեղ։
Եվ եթե օրվա գյադաները իրենց ղեկապետի գլխավորությամբ Վանոյի դեմ կռիվ են տալիս Վանոյի վախճանից հետո, ուրեմն հայրս կհուղարկավորվի մեր ընտանեկան գերեզմանատանը` ոչ ուրիշ տեղ։
Վանոն եղել է կա ու լինելու է` իր գրով ու գործով։
Դուք արդեն պատմության աղբանոցում եք», – գրել է Սիրադեղյանը։
