Մարմարայի համալսարանի ռեկտորատը մերժել է Թուրքիայի նախագահ Ռեջեփ Թայիփ Էրդողանի համալսարանական կրթության աստիճանի մասին տեղեկություններ ստանալու վերաբերյալ «Ժողովրդի փրկություն կուսակցության» (ԺՓԿ-HKP) դիմումը։
Ermenihaber-ի փոխանցմամբ՝ համալսարանի հայտարարության մեջ մասնավորապես նշված է․
«Քանի որ մեր ասպիրանտների տեղեկատվությունը գտնվում է անձնական տվյալների գաղտնիության շրջանակում, այն չի տարածվում երրորդ անձանց վրա, նույնիսկ եթե նրանք մերձավոր ազգականներ են»:
HKP-ն ապրիլի 28-ին դիմել էր Մարմարայի համալսարան Թուրքիայի նախագահ, իշխող «Արդարություն և զարգացում կուսանկցության» (ԱԶԿ-AKP) առաջնորդ Էրդողանի համալսարանական աստիճանի մասին տեղեկություններ ստանալու համար։
Ռեկտորի անունից պատասխանելով դիմումին՝ պրոռեկտոր պրոֆեսոր Մուստաֆա Քուրթը հայտարարել է, որ իրենք ոչ մի քայլ ընթացք չեն տվել դիմումին՝ ելնելով «Անձնական տվյալների պաշտպանության մասին օրենքից»։
