ԱԺ ՔՊ խմբակցության ղեկավար Հայկ Կոնջորյանը գրում է.
Այսօր Ազգային Ժողովում հանդիպեցի Հայաստանում Ամերիկայի Միացյալ Նահանգների արտակարգ և լիազոր դեսպան Լին Թրեյսիին։
Որպես Հայաստան֊ԱՄՆ բարեկամական խմբի ղեկավար՝ մեծապես կարևորեցի միջխորհրդարանական համագործակցությունը Հայաստան-ԱՄՆ հարաբերություններում։
Հատուկ անդրադարձ կատարեցի Ադրբեջանում պահվող հայ ռազմագերիների շուտափույթ վերադարձի հարցին և Ադրբեջանի սադրիչ գործողություններին, որոնց արդյունքում հոկտեմբերի 8֊ին Շուշիի մոտակայքում սպանվեց քաղաքացիական անձ և մի քանիսը վիրավորվեցին։
Կարևորեցի ԵԱՀԿ Մինսկի խմբի համանախագահության շրջանակներում Լեռնային Ղարաբաղի հակամարտության խաղաղ կարգավորման հարցը։
Դեսպանը նշեց, որ Միացյալ Նահանգները շարունակելու են սերտ համագործակցությունը Հայաստանի իշխանությունների հետ տարբեր ոլորտներում, և միջխորհրդարանական համագործակցության ձևաչափը էապես կարող է նպաստել արդյունավետ համագործակցության խորացմանը։
