Կառավարությունն այսօրվա հերթական նիստում ՀՀ մի շարք ճանապարհների կառուցման համար պետական բյուջեից տրամադրեց 482 միլիոն 302 հազար դրամ:
Նախագիծը ներկայացնող ՏԿԵ նախարար Գնել Սանոսյանը նշեց, որ տվյալ գումարը հարկավոր է Մ-2, Երևան – Երասխ – Գորիս – Մեղրի – Իրանի Իսլամական Հանրապետության սահման միջպետական նշանակության ավտոճանապարհի կմ313+000-կմ316+350 հատվածի, Մ-8 (Մ-6 հատման կետ)-Դիլիջան կմ10+500-կմ13+500 հատվածի և Հ-72 /Մ-2/ – Վահանավանք կմ0+000-կմ2+357 նորոգման աշխատանքների իրականացման համար:
ՀՀ վարչապետ Նիկոլ Փաշինյանի այն հարցին, թե 500 կմ ավտոճանապարհ կառուցելու իրենց հանձնառությունն ի կատար ածվո՞ւմ է, Սանոսյանը դրական պատասխան տվեց:
