Համայնքների խոշորացման ծրագրի շրջանակներում Արմավիրի մարզի 17 համայնքներ՝ Աղավնատուն, Ամբերդ, Այգեշատ, Արագած, Արշալույս, Գեղակերտ, Դաշտ, Դողս, Լեռնամերձ, Ծաղկալանջ, Ծաղկունք, Ծիածան, Հայթաղ, Հովտամեջ, Մոնթեավան (Շահումյան Թ/Ֆ), Մրգաստան և Շահումյան, կմիավորվեն և կդառնան որպես մեկ բազմաբնակավայր խոշորացված համայնք՝ Խոյ անունով։
«Քաղաքացիական պայմանագիր» կուսակցության՝ Խոյում համայնքի ղեկավարի թեկնածու Արգիշտի Մեխակյանը խոստանում է բարեկեցիկ կյանք ու ապագա ապահովել խոշորացված համայնքում:
«Իմ և «Քաղաքացիական պայմանագիր» կուսակցության նպատակն է ստեղծել բարեկարգ ու զարգացած ենթակառուցվածքներով, դրական և ապահով միջավայր ունեցող համայնք, որտեղ յուրաքանչյուր անհատ կունենա արժանավայել աշխատանքի, բարեկեցիկ ապրելու և ստեղծագործելու հնարավորություն։
Հաշվի առնելով յուրաքանչյուր բնակավայրի կարիքներն ու առանձնահատկությունները՝ մշակելու ենք առաջնահերթ գործողությունների պլան և համապատասխանաբար իրագործելու ենք ծրագրեր առկա խնդիրների լուծման, գործող ծառայությունների բարելավման և համայնքում կյանքի որակի բարձրացման համար։
Հարգելի՛ հայրենակիցներ,
Խոյ համայնքի զարգացման մեր նպատակն իրագործելու լավագույն գրավականը դեկտեմբերի 5-ին կայանալիք տեղական ինքնակառավարման մարմինների ընտրություններում ձեր վստահության քվեն է «Քաղաքացիական պայմանագիր» կուսակցությանը։
Վստահ եղեք, որ մեր համայնքի զարգացմանն ուղղված ծրագրերը կյանքի կոչելու համար ներդնելու ենք մեր բոլոր հնարավորություններն ու ռեսուրսները։
ԽՈՅՈՒՄ ԱՊԱԳԱ ԿԱ»,- գրել է նա:
