Քիչ առաջ Կառավարության շենքի մոտից ոստիկանության բաժիններ բերման են ենթարկվել 33 քաղաքացիներ՝ վարչակական իրավախախտումների վերաբերյալ օրենսգրքի 182-րդ հոդվածի (ոստիկանության զորքերի զինծառայողի կամ ոստիկանության ծառայողի օրինական պահանջը չկատարելը) հիմքով։
Այդ մասին Civic.am-ի հետ զրույցում հայտնեցին Ոստիկանության լրատվական ծառայությունից։
Նշենք, որ առավոտից Կառավարության շենքի դիմաց հավաքվել են ԱԺ «Հայաստան» և «Պատիվ ունեմ» խմբակցությունների պատգամավորները, որոնք բողոքի ակցիա են իրականացնում Գորիս-Կապան ճանապարհին ադրբեջանական սահմանակետերի տեղադրման դեմ։
Ի դեպ, նրանք փորձել են մուտք գործել Կառավարության շենք, սակայն ոստիկանները արգելել են, ինչի հետևանքով հրմշտոց է սկսվել:
