Քաղաքացիական ավիացիայի կոմիտեն «Նովէյր» ավիաընկերությունից ստացել է հայտ՝ Երևան-Կապան-Երևան կանոնավոր չվերթներ իրականացնելու նպատակով։
Չվերթների մեկնարկը նախատեսվում է 2022 թվականի հունվարի 20-ից՝ շաբաթական երկու չվերթ հաճախականությամբ։
ՀՀ կառավարության այսօրվա նիստի չզեկուցվող հարցերի օրակարգում այս նպատակով ընդգրկված է եղել Կապանի «Սյունիք» օդանավակայանին 49,508,722 դրամ հատկացնելու հարցը։
Հիմնավորման մեջ նշվում է, որ ներկա պահին ժամանակավորապես դադարեցված է Կապանի «Սյունիք» օդանավակայանի ֆինանսավորումը, ինչի հետևանքով կարող է վտանգվել օդանավակայանի հետագա շահագործումը։
