Հավաքական անվտանգության պայմանագրի կազմակերպությունը (ՀԱՊԿ) նոյեմբերի 17-19-ին Տաջիկստանում կանցկացնի հատուկ նշանակության ուժերի զորավարժություններ: Այս անգամ դրանք կրում են «Կոբալտ-2021» անունը:
Վարժանքները կանցկացվեն Տաջիկստանի «Ֆահրաբադ» զինափորձարանում: Ռուսաստանի զորակազմը վարժանքներում ներկայացված Է հատուկ նշանակության ստորաբաժանումների ու 201-րդ ռազմաբազայի հետախուզական գումարտակի զինծառայողներով»,-ասվում Է մամուլի ծառայության հաղորդագրության մեջ:
Ընդամենը վարժանքներին ռուսական կողմից կմասնակցի 60 զինծառայող և տասը միավոր ռազմական տեխնիկա, այդ թվում՝ 201-րդ ռազմաբազայի ավիախմբի Մի-8ՄՏՎ5-1 երկու ուղղաթիռ:
Ըստ սցենարի, կմշակվի զինյալների կողմից պայմանականորեն նվաճված շենքի շրջափակման և գրոհի գործողության անցկացումը՝ հետախուզության տեխնիկական միջոցների և ուղղաթիռների կիրառմամբ:
«Կոբալտ-2021» վարժանքներին, բացի Ռուսաստանից, կմասնակցեն ՀԱՊԿ-ի երկրներից Հայաստանի, Բելառուսի, Ղազախստանի, Տաջիկստանի ևՂրղզստանի օպերատիվ հակազդման կոլեկտիվ ուժերի, հատուկ նշանակության ուժերի, ներքին գործերի մարմինների, պետանվտանգության, նախարարությունների ևարտակարգ իրավիճակների ու թմրանյութերի վերահսկողության գերատեսչությունների կազմավորումները:
