Այսօր ՀՀ ԱԺ ութերորդ գումարման երկրորդ նստաշրջանի հերթական նիստին ՀՀ էկոնոմիկայի նախարար Վահան Քերոբյանը խոսեց ամանորին հանգստյան օրերի կրճատման մասին։
Նախարարի խոսքով, ՀՀ տոների, հանգստյան և հիշատակի օրերի մասին օրենքում փոփոխություն կատարելու նախագիծը երկրորդ ընթերցմամբ և ամբոջությամբ ընդունելու որոշում կայացնելուց հետո ծավալվեցին լայն քննարկումներ եւ եղան տարբեր առաջարկներ, ինչից հետո որոշվեց ավելացնել եւս մեկ հանգստյան օր։
«Առաջարկում ենք ամանորյա տոները սահմանել դեկտեմբերի 31, հունվարի 1, 2 եւ հունվարի 6՝ Սուրբ ծնունդի օրը՝ ոչ աշխատանքային»,- ասաց Քերոբյանը։
Ավելի վաղ, կառավարությունը որոշել էր կրճատել ամանորյա ոչ աշխատանքային օրերի քանակը։
