Ոստիկանության Իջևանի բաժնի քրեական հետախույզները նոյեմբերի 10-ին այցելել են Գետահովիտ գյուղի փայտամշակման արտադրամաս:
Այնտեղ հայտնաբերվել են փայտամշակման երեք հաստոց, 20 խմ հաճարենու կողահատ տախտակ, իսկ արտադրամասին կից չորանոցներում՝ 30 խմ սոճենու, մոտ 6 խմ հացենու և 24 խմ հաճարենու տախտակներ։
ՀՀ ոստիկանությունից հայտնում են, որ ա րտադրամասի տերը հայտնել է, թե փայտանյութը պատկանում է իրեն, սակայն ձեռք բերման վերաբերյալ որևէ փաստաթուղթ չի ներկայացրել։ Իրավապահները կազմել են անհրաժեշտ արձանագրություններ։
Հանգամանքները պարզվում են: Փաստի առթիվ նախապատրաստվում են նյութեր:
