Մոսկվայում Հայաստանի դեսպան Վարդան Տողանյանը «РИА Новости»-ին հայտնել է, որ չնայած Ադրբեջանի հետ սահմանին իրավիճակը կայունացել է, սակայն չի կարելի բացառել, որ Երևանը կարող է դիմել ՀԱՊԿ-ի օգնությանը։
«Դժվար է ասել՝ կախված է իրավիճակից, ունենք այն, ինչ ունենք, տեսնենք՝ ինչպես կզարգանան իրադարձությունները»,- նշել է նա՝ պատասխանելով հարցին, թե արդյոք Հայաստանը մտադիր է դիմել ՀԱՊԿ-ի օգնությանը, թե իրավիճակի կայունացումից հետո դրա անհրաժեշտությունը վերացել է։
Միաժամանակ, ճշտող հարցին, թե արդյոք չի կարելի բացառել իրադարձությունների նոր զարգացումներ, նա դրական պատասխան է տվել։
Նա նաև շեշտել է, որ Երևանը շարունակում է կապ պահել Մոսկվայի հետ՝ Ադրբեջանի հետ սահմանին տիրող իրավիճակի, այդ թվում՝ գերիների վերադարձը հեշտացնելու հարցով։
