«Երեկ մեր թիմը եղել է նշված համայնքներում: Գնահատվել է մարդկային ներուժը և առկա բժշկական՝ թե ապահովվածության, թե շտապօգնության գծագրությունները, ամբողջովին այս համայնքները կապահովվեն իրենց անհրաժեշտ օգնության բոլոր պարագաներով»,- այս մասին այսօր լրագրողների հետ ճեպազրույցում ասաց ՀՀ առողջապահության նախարար Անահիտ Ավանեսյանը, պատասխանելով հարցին, թե ինչպես է կազմակերպվելու այն համայնքների բուժօգնությունը, որոնք ստեղծված իրավիճակի պատճառով կտրվել են Գորիս և Կապան քաղաքներից, և այնտեղ հասնելու համար անհրաժեշտ է շրջանցել ճանապարհը:
«Եվ Կապանի ԲԿ-ն, և Գորիսի ԲԿ-ն կունենան հավելյալ շտապօգնության ամենագնացներ: Դրանք արդեն իսկ տրամադրվել են և լրացուցիչ ևս կտրամադրվեն, և տվյալ համայնքների բնակիչների առողջական խնդիրների ապահովումը կկազմակերպվի»:
