ՀՀ քննչական կոմիտեի հոկտեմբերի տվյալներով, 44-օրյա պատերազմի ընթացքում զոհված զինծառայողների և քաղաքացիական անձանց թիվը 3788 է: Նրանցից 3712 զինծառայող է, 76-ը՝ քաղաքացիական անձ։
Այս մասին այսօր Ազգային ժողովում հայտարարեց Աշխատանքի և սոցիալական հարցերի նախարար Նարեկ Մկրտչյանը՝ «Հայաստան» խմբակցության հարցին ի պատասխան:
Մկրտչյանը նաև տեղեկացրեց, որ անհետ կորած են համարվում 222 զինծառայող և 21 քաղաքացիական անձ։ Ադրբեջանի կողմից գերության մեջ պահվող ռազմագերիների և պատանդառված քաղաքացիական անձանց ընդհանուր թիվը 40 է՝ 37 զինծառայող և 3 քաղաքացիական անձ:
Նարեկ Մկրտչյանը նշեց, որ այս ընթացքում Ադրբեջանի կողմից Հայաստանի Հանրապետություն է հանձնվել 114 զինծառայող և քաղաքացիական անձ։
