Թուրք ընդդիմադիր քարոզիչ Ֆեթուլլահ Գյուլենին, որն Անկարայի կողմից մեղադրվում է պետական հեղաշրջման փորձի մեջ, թունավորել են։ Այս մասին հայտնում է թուրքական Oda TV լրատվական կայքը։
Աղբյուրը նշում է, որ Գյուլենը թունավորվել է ԱՄՆ-ի Փենսիլվանիա նահանգի իր տանը: Գյուլենի շրջապատից մեկ մարդ մահացել է, իսկ առանձնատան աշխատակիցներին հրամայել են խուսափել մամուլի հետ շփումից, նշում է Oda TV-ն ՝ վկայակոչելով հատուկ ծառայությունների ներկայացուցիչներին,- տեղեկացնում է Sputnik Armenia-ն։
Ամերիկյան տեղական լրատվամիջոցները չեն լուսաբանում այդ մասին տեղեկատվությունը։
Թուրքիայի իշխանությունները Ֆեթուլլահ Գյուլենի կազմակերպությանը` FETO-ին(Ֆեթուլլահ Գյուլենի ահաբեկչական կազմակերպություն), մեղադրում են 2016-ի հուլիսին տեղի ունեցած հեղաշրջման փորձին մասնակցության մեջ։
Թուրքիայում խռովությունից հետո ձերբակալվել է ավելի քան 80 հազար մարդ, աշխատանքից հեռացվել կամ հեռացվել է մոտ 150 հազար պետծառայող, այդ թվում՝ զինվորականներ: ԱՄՆ-ում գտնվող Գյուլենն ինքը դատապարտել է հեղաշրջման փորձն ու հերքել մեղադրանքները։
Քիչ առաջ թուրքական մամուլում տեղեկատվություն է հրապարակվել Գյուլենի մահվան մասին։
