Այսօր ԱԺ ճեպազրույցների ընթացքում «Քաղաքացիական պայմանագիր» խմբակցության անդամները, ի պատասխան լրագրողի հարցին, անդրադարձել է են երեկ Կառավարության նիստի ընթացքում ՀՀ վարչապետ Նիկոլ Փաշինյանի այն հայտարարությանն ըստ որի՝ Ռուսաստանի պաշտպանության նախարարությունը դեմարկացիայի և դելիմիտացիայի նախապատրաստական փուլի վերաբերյալ հանդես է եկել առաջարկություններով:
Նիկոլ Փաշինյանն ասել էր, որ 3 առաջարկ է հնչել ՌԴ-ի կողմից, և 3 առաջարկն էլ Հայաստանի համար ընդունելի են եղել և շարունակում են ընդունելի մնալ:
«Այդ մասին նաև գրավոր ծանուցվել է ՌԴ-ն: Խոսքը մեր կողմից համաձայնության մասին է: Այն պահին, երբ որոշակի տեխնիկական հարցերի վերաբերյալ ձեռք կբերվի համաձայնություն, ՀՀ-ն պատրաստ է սկսել հանձնաժողովի ձևավորման գործընթացը և անցնել բուն աշխատանքներին: ՀՀ վարչապետը բազմիցս հայտարարել է, որ ՀՀ-ն հետաքրքրված և շահագրգռված է այս գործընթացը սկսել: Խոսքը, բնականաբար, գնում է դելիմիտացիայի և դեմարկացիայի գործընթացի մասին»,- ասաց Էդուարդ Աղաջանյանը:
