Խորհրդարանական ճեպազրույցի ժամանակ հարց հնչեց, թե ինչո՞ւ է վերջինս ապատեղեկատվություն տարածում իր էջում, ինչին ի պատասխան՝ Խամոյանը հակադարձեց թե հենց հարցը հնչեցնող լրատվամիջոցն է ապատեղեկատվություններ տարածում և չմեկնաբանեց հարցը:
Երեկ մամուլում լուրեր տարածվեցին, թե Բաքվից Երեւան բերված զոհված սպա 31-ամյա Տարոն Սահակյանն ադրբեջանցի զինծառայողների է գերի վերցրել, այնուհետև բաց թողնելու հրաման ստացել, ապա՝ ինքը գերեվարվել և խոշտանգվել:
Չճշտված տեղեկությունը ֆեյսբուքյան իրենց էջերում վերահրապարակել էին «Հայաստան» խմբակցության պատգամավորներ Ագնեսսա Խամոյանը և Արթուր Ղազինյանը:
Հիշեցնենք` Հայաստանի պաշտպանության նախարարությունը հերքել էր մամուլում և սոցցանցերում շրջանառվող տեղեկությունները, թե նոյեմբերի 14-ին հայկական կողմը 6 ադրբեջանցի զինծառայող է գերեվարել, այնուհետև գաղտնի վերադարձրել նրանց:
Նշենք, որ SHAMSHYAN.com-ի թղթակցի հետ զրույցում, նոյեմբերի 16-ին թշնամու հարձակումից զոհված զինծառայող Տարոն Սահակյանի եղբայրը հայտնել էր, որ իր եղբորն ադրբեջանցիները չեն խոշտանգել, և տարածվող տեղեկատվությունը սուտ է ու ապատեղեկատվություն. Տարոնը զոհվել է արկի պայթյունից:
