Հյուսիսային նավատորմի նախկին հրամանատար, ծովակալ Վյաչեսլավ Պոպովը РИА Новости-ին տված հարցազրույցում ասել է, որ Կուրսկ ատոմային սուզանավը խորտակվել է 2000 թվականին ՆԱՏՕ-ի սուզանավի հետ բախուման արդյունքում։ Կուրսկին բախված սուզանավն, ըստ երևույթին, հետևում էր Կուրսկին։ Բայց այդ ծովային և մնացած այլ պայմաններում նա չի կարողացել ապահովել անվտանգությունը, շատ է մոտեցել, կամ էլ Կուրսկի մանևրելը հանգեցրել է կոնտակտային կորստին։ Ահա և բախում։
Վյաչեսլավ Պոպովը հայտնել է, որ «90 տոկոս հավանականությամբ» գիտի ՆԱՏՕ-ի սուզանավի անունը, բայց չի կարող բացահայտել։ Ծովակալի խոսքով, դեպքի օրը SOS ազդանշաններ ուղարկել է ոչ թե Կուրսկը, այլ ՆԱՏՕ-ի սուզանավը, որը եղել է մոտակայքում և վնասվել։
Դեռ 2000 թվականին Վյաչեսլավ Պոպովը Արկադի Մամոնտովի ֆիլմում ասել էր, որ Կուրսկի խորտակման հիմնական վարկածը համարում է «անհայտ սուզանավի հետ» բախումը։ Ծովակալը պնդել է, որ Կուրսկում տեղի ունեցած պայթյունի հաջորդ օրը օդաչուները նկատել են Բարենցի ծոցից դուրս եկող անհայտ սուզանավ։
Պոպովին վերագրում են, իբրև 2012 թվականին նա նայել է Կուրսկի կործանման մեղավորի աչքերին (թե ով է դա պարզ չէ):
Աղետից հետո առաջին օրերին Վլադիմիր Կուրոյեդովը, ով այն ժամանակ զբաղեցնում էր նավատորմի գլխավոր հրամանատարի պաշտոնը, հայտարարեց, որ Կուրսկի կորպուսի վրա «կան խոշոր և լուրջ բախման նշաններ»։ Եղել են նաև սուզանավի վրա արտաքին ազդեցության այլ վարկածներ, այդ թվում՝ Երկրորդ համաշխարհային պատերազմից մնացած ականի հետ բախումը։ Փորցագետները կասկածի տակ են դրել այս վարկածները։
Պաշտոնական հետաքննության արդյունքների համաձայն՝ աղետի պատճառ է նշվում Կուրսկի աղեղային հատվածում տորպեդոյի պայթեցումը։
