Նոյեմբերի 20-ին և 21-ին Արագածոտնի մարզպետ Ռազմիկ Պետրոսյանը, ՀՀ ԱԺ պատգամավոր Մաթևոս Ասատրյանի, մարզպետի տեղակալ Տիգրան Եղիազարյանի, մարզպետարանի ոլորտային պատասխանատուների հետ այցելել է Արագածոտնի մարզի Ապարան խոշորացված համայնքի Լուսագյուղ, Եղիպատրուշ, Նիգավան, Կայք, Վարդենիս, Չքնաղ, Թթուջուր, Ձորագլուխ բնակավայրեր:
Համայնքային այցելությունների շրջանակում հանդիպել է բնակիչներին, խոսել իրականացված ծրագրերի, նախատեսված աշխատանքների, համայնքի զարգացման պատկերացումների, կառավարությունից ու տեղական ինքնակառավարման մարմիններից բնակիչների ակնկալիքների մասին: Համայնքային այցելությունները շարունակական են լինելու:
