ՀՀ քաղաքաշինության, տեխնիկական և հրդեհային անվտանգության տեսչական մարմինը (ՔՏՀԱ) այսօր «Քովիդ-19»-ի հակահամաճարակային կանոնների պահպանման նկատմամբ վերահսկողություն է իրականացրել Երևանի Շենգավիթ վարչական շրջանում։
Այս մասին իրազեկում է տեսչական մարմինը:
Տրանսպորտային անվտանգության մասնագետները և ՀՀ պարեկային ծառայողները Շենգավիթ վարչական շրջանում ուսումնասիրել են ուղևորափոխադրում իրականացնող 40 տրանսպորտային միջոց: 3 դեպքով կազմվել է վարչական արձանագրություն։ Խախտումները վերաբերել են վարորդների կողմից դիմակ չկրելուն։
Հասարակական տրանսպորտում, ըստ տեսչական մարմնի, վերահսկողությունը կշարունակվի նաև առաջիկա օրերին։
